भवन में थारी सेवा करूंगा म्हारी अबला

भवन में थारी सेवा करूंगा म्हारी अबला । मारग से म्हारा लारे चालजो री म्हारी दुर्गा ॥ तो हूँ बैजानू… सारत माय सूरत कर । पण सवरू रे घर वो सो ज्ञाने बताए ॥ भवन में थारी सेवा…. तो हूँ बैजानू… हरिया सा गोबर कुंता घोली । दीज्यो री अबला मोतीराणा चाक पुराय ॥ भवन में थारी सेवा…. तो हूँ बैजानू… बनाजो री अबला थारो देवळ । लगाजो री अबला चीर लगाजो संगमनेर का ॥ भवन में थारी सेवा…. तो हूँ बैजानू… हिंगलो सो ढोळ्यो थारो देवळ । ढूळायो री अबला सोनारा कळश लगाये ॥ भवन में थारी सेवा…. तो हूँ बैजानू… न्हाब तो बैठी रे म्हारी अबला । मांगजो री अबला जल मांगजो कासी न का ॥ भवन में थारी सेवा…. तो हूँ बैजानू… शालू ओढाज्यो री संगमनेर का । पहना दूं री अबला हार पहना दूं फूलां न का ॥ भवन में थारी सेवा…. तो हूँ बैजानू…. रखवाल्या लांगुड थारा लार । लीज्यो री अबला हणवट जोद्यो थारा लार ॥ भवन में थारी सेवा…. तो हूँ बैजानू…. बावन भैरु रे चौसठ जोगन । लीज्यो री अबला नहीं चलशेल रे जादू टोना ॥ भवन में थारी सेवा…. तो हूँ बैजानू… आग्या तो बीर मामद्या बीर न । लीज्यो री अबला होर जोद्या आगे चलता ॥ भवन में थारी सेवा…. तो हूँ बैजानू… सवार सवरया रे रूपसिंग शामसिंग । परदेसी गावे शरम राखज्यो म्हारी अबला ॥ भवन में थारी सेवा….